Xandira speċjali f’San Pawl

Nhar il-Ġimgħa 10 ta’ Frar, l-istazzjon 103 Malta’s Heart wassal xandira speċjali li bdiet fid-9am bil-Pontifikal fis-Solennità tal-Appostlu Missierna San Pawl, mmexxija minn l-Isqof Anton Teuma, fl-okkażjoni tal-festa ta’ San Pawl, Patrun ta’ Malta.

Wara twassal programm speċjali mmexxi minn Amanda Ciappara, fejn kellha bħala mistiedna lill-Kanonku David Torpiano, Viċi Arċipriet tal-Paroċċa ta’ San Pawl fil-Belt Valletta, kif ukoll Edward Bonello, Segretarju Ġenerali tal-Għaqda tal-Pawlini.