Ċajtiera, kreattiva u paċenzjuża, din hi Bee!
Written by 103 on March 3, 2022
Bee li ddeskriviet lilha nfisha bħala persuna ċajtiera, kreattiva u paċenzjuża kienet il-mistiedna speċjali ta’ Ephrom fuq Sunday’s Brunch. Bee hija wkoll il-kantanta prinċipali tal-grupp Paris to Istanbul. Waqt l-intervista, Ephrom staqsa dwar x’inhuma l-miri tagħha għal din is-sena.
Bee spjegat kif bħalissa qed taħdem fuq single ġdida li hi totalment differenti mis-soltu, u hu mistenni li toħroġ vidjow li se jakkumpanja d-diska. Ħabbret li f’April se tkun qed tmur Berlin għal tliet xhur fejn se tkun qed taħdem ma’ diversi artisti u producers.
Aktar kurżitajiet dwar Bee mill-filmat hawn taħt!
Sunday’s Brunch ma’ Ephrom jittella’ kull ġimgħa fid-9am. Miegħu fl-istudio Ephrom ikollu artist/i lokali differenti, fejn magħhom jiddiskuti diversi suġġetti kurrenti mix-xena tad-divertiment.