Rebaħ Swedish Pop Idol, iżda x’aktar? Kevin Borg fuq 103
Written by 103 on November 25, 2021
Kevin Borg li kien mistieden fil-programm ta’ Ephrom daħal għall-ewwel darba fil-Eurovision fl-2006. Iżda fl-2008 irrappreżenta lil Malta ġewwa l-Isvezja meta rebaħ l-iSwedish Pop Idol. Spjega kif meta rebaħ dan l-unur spiċċa dar l-Iskandinavja kollha u għamel mas-600 tour b’kollox.
Meta mistoqsi inbidlitx ħajtu meta rebaħ Pop Idol, Kevin stqarr li l-ewwel bidla kienet għal fatt li fil-bidu ħadd ma kien jafu u f’salt wieħed sar popolari. Kull programm biss biss kienu jarawh 2.5 miljun persuna. L-istorja tas-suċċess ta’ Kevin bdiet minn ħsieb li jagħmel avventura ‘l bogħod minn Malta.
Isma’ aktar dwar is-suċċessi ta’ Kevin f’dan il-filmat:
Qal li anka jekk il-pandemija waqqfet kważi għal kollox ix-xena tal-mużika u l-entertainment, stqarr li l-fans tiegħu ma waqfux jagħtuh is-sapport tagħhom fuq il-midja soċjali.
Sunday’s Brunch ma’ Ephrom jittella’ kull ġimgħa fid-9am. Miegħu fl-istudio Ephrom ikollu artist/i lokali differenti, fejn magħhom jiddiskuti diversi suġġetti kurrenti mix-xena tad-divertiment.
